هاوینە هاواری ئەحمدئاوا


* سەرچاوەی زەڵم (هاوینە هاواری ئەحمدئاوا ):
 یەكێكە لە گرنگترین شوێنە گەشت و گوزاریەكانی ناوچەی لێكۆڵینەوە(خورماڵ)، ئەم هاوینە هەوارەیە كە دەكەوێتە خۆرهەڵاتی شاری سلێمانی بەدووری (84)كم، سەر بە پارێزگای هەڵەبجەی شەهیدە بەدوری (21)كم، هەروەها ئەم هاوینەهەوارە سەر بە ناحیەی خورماڵ لە دووری (2)كم.
 هاوینە هەواری ئەحمەدئاوا بریتی یە لە دۆڵكی سەوز و جوان، دارو درەخت هەموو ناوچەكەی داپۆشیوە وەك دارگوێز، هەنار، هەنجیر.....هتد. ئاوێكی زۆر هەمیشەیی بەناویدا تێدەپەڕێت كە سەرچاوەی ئاوی (زەڵم)ەوە لەشێوەی تاڤگە دێتەخوارەوە، دیمەنێكی سەرسوڕهێنەری هەیە وە لە هەموو لایەكەوە شاخ دەوری داوە لەدەروازەی هاوینە هەوارەكە ئاسەواری یەكێك لەپاشاكانی كورد بەدی دەكرێ كەناسراوە بە (خان ئەحمەدی خان) كەدواتر لە لاپەرەكانی تردا زیاتر ڕوونی دەكەینەوە.
    بۆیە بایەخدان بەم ناوچەسروشتی یەو خزمەتكردنی ئەركی وەزارەتی شارەوانی و گەشت و گوزاری هەڵەبجەیە، تا ئێستا وەك پێویست خزمەتگوزاری بۆ نەكراوە بەتایبەت رێگاوبانەكانی زۆر سەخت و تەنگن و زۆر پخڵاواتە، هەموو ئوتۆمبیلێك بە ئاسانی ناتوانێت برواتە سەرەوە بۆ لای سەرچاوخزمەتگوزاریەكانی تری بۆكراوە  وەك دروست كردنی چەندین پرد بۆ پەڕینەوەی گەشتیاران لەناو باخەكاندا، كەپێشتر ووزەی كارەبای بۆدابین كراوە لەڕێگای دانانی تۆرباینێك لەسەر تاڤگەكەو سوودی لێ وەرگیراوە بۆڕوناك كردنەوەی گوندی زەڵم وئەحمەد ئاوا بۆ ماوەیەكی كاتی دانرا، بەڵام لە ئێستادا نەماوە.
    سەرەڕای دەوڵەمەندی ئەم ناوچەیە بەهۆكارە سروشتیەكانی گەشت و گوزار، بەڵام لەڕووی دامەزراوەی گەشت و گوزاری و پێویستی گەشتیاری و وخزمەتگوزاریەكانەوە وەك پێویست ئاسانكاری بۆ نەكراوە، لاوازە لە دابینكردنی خزمەتگوزاری مرۆیی گەشتیاریدا وەك (ڕێگاوبان و ئوتێل و كابینە و چێشتخانە...هتد) . نەبوەتە هۆی ئەوە لە رووی مرۆییەوە سەڕنجی گەشتیارانی رابكێشێت، زۆرجار كۆسپ لەبەردەم پێشكەوتنی گەشت و گوزاردا دروست كردوە بەهۆی سەختی وبەرزی ناوچەكەوە ، لە ئێستایا چەند خزمەتگوزاریەكی كەمی بۆكراوە.

   بەڵام زۆر كەمن و لاوازن لەبەرامبەر ئەو هەموو گەشتیارەی رووی تێدەكات ساڵانە، ئەویش چەند كابینەیەكی گەشتیاری لەنزیك گوندی (ئەحمد ئاوا- زەڵم)دا دروستكراون وە نزیكەی(20)كابینە دەبێت و هەروەها كۆنكرێت كردنی رێگای پیشتەوە كە ناسراو بەسەرداران لە نێوان ئەحمەد ئاوا و زەڵم دا تەواو بووە، كە رێگایەكی نزیكەرەوەی ئاسانكاریە بۆ گەشتیاران، هەروەها رێگای نێوان زەڵم و ئەحمەدئاواش تەواو بووە، بەڵام بەشی سەرەوەی ماوە ناو گوندەكە زۆر سەخت و وێرانە لەئایندەدا ئومێد دەكرێت ئەویش چاكبكرێت، بەهەرحاڵ دەبێت و هەموو پێداویستیەكانی گەشتوگوزاری و گەشتیاری پێویست دابین بكرێت.
 لەڕووی ئابوریەوە سوودی لێ وەربگیرێ بۆ دانیشتوانی ناوچەكە، بە پێی ئامارەكان بێت و ڕێژەی گەشتیارانی ساڵانەی ئەم هاوینە هەوارە نزیكەی (400000) چوارسەدهەزار گەشتیاری ڕووی تێدەكات لە كاتێكدا  ڕێژەی گشتی ساڵانەی گەشتیاران بۆ پارێزگای هەڵەبجە تاساڵی 2013 نزیكەی (500000 )پێنج سەدهەزار گەشتیار بووە ئەم ژمارە زۆرە بۆ ئەم هاوینە هەوارە جێگەی دلخۆشیە كەر بێت بزانن بیخنەگەڕ بە شێوەی رێكخراو ئەكادیمی ئەوا داهاتێكی باش بەرهەم دەهێنت هەم بۆ حكومەت و هەم بۆ دانیشتوانی ناوچەكە.
.............................................................
ئامادەکردنی :یونس سەرگەتی 
سەرچاوە :کتێبی خورماڵ  
.............................................................
هەموو ماڵپەرو لایەنێک ئازادە لە بڵاوکردنەوەی ئەم بابەتە بەمەرجێک ئاماژە بە سەرچاوەکەی بکات

No comments